“Киек каз юллары” җыры белән популярлык казанган мобилизацияләнгән Артур Хәсәнов Украинадан ике атналык ялга кайткан

Филүс Каһировның “Киек каз юллары” җырын башкарып, социаль челтәрләрдә танылган Артур Хәсәнов махсус хәрби операция зонасыннан ике атналык ялга кайткан. Әлегә ул Казанда, тик якын арада гаиләсе янына – Башкортостанның Илеш районына юл алачак. Бу турыда “Татар-информ” мәгълүмат агентлыгы хәбәр итә.

Украинада булган чагында, ир-ат андагы яшәү шартлары турында сөйләгән иде. Артур сүзләренчә, хәрбиләр урманда – үзләре казыган йортта яшиләр икән.

“Ашарга үзебез әзерлибез. Азык-төлек җитешле. Якташлардан гуманитар ярдәм килеп тора. Берәр нәрсә кирәк булса, якындагы кибеткә барып, сатып алабыз”, - дип сөйләгән иде Артур.