Юмор остасы Азамат Мусагалиев татар телендә “Уфтанма”ны җырлаган

Юмор остасы, танылган “Камызяки” КВН төркеменең әйдәп баручы катнашучысы Азамат Мусагалиев команданың Казандагы концертында “Уфтанма” җырын башкарган. Аның моңланган мизгелләре бүген социаль челтәрләрдә пәйда булды.

Татар тамашачысы “Уфтанма” җырын Салават Фәтхетдинов һәм Радик Юлъякшин (Элвин Грей) башкаруында ишетергә күнеккән иде. Азамат бу җырны казанлылар өчен махсус өйрәнеп башкарган. Концертны караучылар әлеге мизгелләрне видеога төшергәннәр.

Юмористлар башкалада шулай ук “Ак Барс” – “Авангард” матчын да карарга өлгергәннәр. Әлеге матчны ТНВ туры трансляциядә күрсәтте, ә "Ак Барс" 2018 елдан бирле беренче тапкыр финалга чыкты.