Җырчы Винарис Илъегет концертында сәхнәдә абынып егылган

Җырчы Винарис Илъегет Әлмәттәге концерты барышында сәхнәдә абынган. Бу хәл шәһәрнең "Нефтьче" мәдәният сараенда булган.

Җырчы биючеләренә кушылып "Хатирә" көенә биегән вакытта идәндәге кечкенә экранны күрмәгән. Аның шуңа аягы эләгеп киткән. Винарис уңайсыз хәлгә калуыннан оялып тормыйча, егылган видеосын социаль челтәренә куйган.

"8 апрельдә Әлмәттәге концертымда егылдым. Мин бик каты образга кереп киттем. Тамашачыга рәхмәт, югалып калмадылар. Күбесе әле программа буенча шулай тиеш булган дип уйлаган. Артистның да шундый уңайсыз хәлгә калган чаклары була... Барысын сезгә күрсәтәм. Мин шундый", - дип язып куйган артист.