Җырчы Ришат Төхвәтуллин Алия Карачуринаның киләчәк карьерасы турында: "Ул өйдә торачак"

Ришат Төхвәтуллинга кияүгә чыккач, Алия Карачурина гастрольгә йөрүне туктатачак.
Моны социаль челтәрендә Ришат үзе сөйләгән.

Язылучылары артисттан: «Туйдан соң Алия гастрольләргә чыгачакмы?», — дип кызыксынган. Ришат бу сорауга: «Юк», — дип җавап биргән.

«Икенче елга Алия концертларда булмыймыни, дип кызыксынасыз. Икебез дә гастрольдә йөрсәк, буш йортка кайту әллә ничек булачак. Өйдә көткән кешең булса яхшырак. Сәхнә һәм гаилә арасында сайларга кирәк. Беребез өйдә торырга тиеш», — дип ачыклык керткән җырчы.

Исегезгә төшерәбез, Ришат Алиягә кияүгә чыгарга тәкъдим ясаган иде. Тиздән яшьләрнең никахы булачак.

Фото: vk.com/official_aliya