Җырчы Винарис: "Күптән көтелгән яңалык - исем уйларга кирәк"

Татар эстрадасы артисты Винарис Илъегет үзенең социаль челтәрдәге битендә Казан зоопаркында дикобраз тууы турында гадәти булмаган рәвештә хәбәр итте.

"Күптән көтелгән яңалык. Бездә Дикобраз туган. Казан зоопаркында безнең хөрмәткә исем кушарга тәкъдим ителгән яшь парның, Винарис һәм Лилиянең, баласы туган. Без бик борчылабыз һәм хәзерге вакытта исем эзләү белән аптырашта калабыз. Үз вариантларыгызны тәкъдим итегез", - дип язган артист.