Җырчы Әнвәр Нургалиев гаиләсендә зур кайгы

Әнвәр Нургалиев гаиләсе тирән кайгы кичерә. Бүген җырчының туганы, бертуган апасының кызы Диана авариягә юлыгып, һәлак булган. Аның 3 баласы калган. Артист күңелсез яңалыкны социаль челтәрләр аша үзе җиткерде.

"Диана, якыным. Син безнең нәселебезнең кояшы идең. Мин бит сиңа кайтма дигән идем... Гаепле кеше тәмугта яначак..", - дигән җырчы.

Диана Сәфәрова Әнвәр Нургалиевның төркемендә эшләгән, аның якын ярдәмчесе булган. Диананың 3 нәни баласы ятим калды. Без Нургалиевларның тирән кайгысын уртаклашабыз һәм аны күтәрердәй нык сабырлык телибез.



Фото: соц.сети