Алия Карачурина кыз фамилиясе белән хушлашу кичәсен үткәргән

Җырчы Алия Карачурина тормышында тиздән үзгәрешләр булачак: алар Татарстанның атказанган артисты Ришат Төхвәтуллин белән туй үткәрергә әзерләнәләр. Шул уңайдан Алия "буйдак" тормышы һәм үз фамилиясе белән хушлашу кичәсен оештырган.

Алияне котларга дип иң якын кешеләре җыелган иде. Мәсәлән, социаль челтәрләрдә җырчы Гөлсирин Абдуллина, Ришат Төхвәтуллинның сеңлесе Айгөл күренеп ала.

Кызлар Алияне: «Сау бул, Карачурина, исәнме, Төхвәттуллина», дип котлаганнар.

Исегезгә төшерәбез, җырчылар үзләре әйткәнчә, аларның туйлары бу айда - июньдә үтәчәк.

Фото: соц.сети