"Ут хатын" Гүзәл Хөснетдинова бишенче тапкыр әни булачак

Интернетта "Ут хатын" буларак танылган блогер Гүзәл Хөснетдинова кабат әни буларга әзерләнә. Ул социаль челтәрләрдә күзәтеп барган язылучыларына сөенечле яңалыгын үзе бүлеште.

Гүзәл ире Рушан белән 4 бала үстерәләр - 3 малай һәм 1 кыз. Ана карынында булган балага инде 15 атна.

Блогер сүзләренчә, тиздән эчне яшереп булмаячак. Шуңа алар бу яңалыкны озакка сузмаска булганнар. Очарга ярамаганлыктан ул ире белән Хаҗга бармыйча калган. Исегезгә төшерәбез, моннан бер ел элек Гүзәл сеңлесе Лилияне югалткан иде.

Фото: соц.сети