Уфада махсус хәрби операциядәге егетләргә ярдәмгә хәйрия концерты узган

Кичә Башкортстанда ир-ат җырчылар Махсус хәрби операциядә катнашучы егетләребезгә ярдәмгә "Без бергә" исемле хәйрия концертында катнашканнар. Татарстанның һәм Башкортстанның атказанган артисты Ришат Төхвәтуллин әлеге чарадан видео белән уртаклашты.

Җыелган акчалар хәрбиләргә кирәк-яракларга тотылачак. Проектта 2 мең кеше катнашкан.

"Бу концерттан җыелган өлеше безнең егетләребезгә нинди дә булса ярдәме тисен иде! Иң мөһиме исән-сау әйләнеп кайтсыннар!", - дип яза Ришат.

Фото: соц.сети