Ринат Рахматуллин авариягә эләккән

Татар эстрадасының танылган автор-башкаручысы Ринат Рахматуллин белән күңелсез хәл килепп чыккан: ул авариягә эләккән икән. Бу турыда артист «Шәһри Казан» хәбәрчеләренә сөйләгән.

«Юл һәлакәтенә очрадым бит әле. Бу – үз гомеремдәге 30нчы авария. Машинага бик нык зыян килде. Үзем хастаханәдә ятып чыктым. Минем тормыш белән башка кеше яши алмас иде дип уйлыйм. Хәзер бар да яхшы, Аллаһка шөкер» - дип сөйләгән Ринат.

Артистка ныклы сәламәтлек һәм тизрәк савыгуын телибез!

Фото: vk.com/rinat_rahmatullin