Татарстанда танылган автор-башкаручы 53 яшендә вафат булган

Буада яшәп иҗат итүче җырчы, композитор Сәйдәш Хәсәнҗанов вафат. Якыннары белдерткәнчә, аңа инфаркт булган. Композиторга нибары 53 яшь иде. Кайгылы хәбәр Буаның «Байрак» газетасыннан килеп иреште.

Сәйдәш Хәсәнҗановны автор-башкаручы буларак танылды. Аның бик күп җырларын Рәшидә Хәсәнҗанова, Рамилә-Рамил Хәйретдиновлар, Рафаэль Латыйпов, Рафил Җәлилиев, Гүзәл Кашапова, Гөлүсә Ахунова һәм башкалар җырлый.

Мәрхүмне бүген төштән соң туган ягы – Буа районы Аксу авылында соңгы юлга озатачаклар.

Фото: Байрак