Алып баручы Айрат Ильясов ике кызы белән машинада Төркиягә киткән

Алып баручы, җырчы Айрат Ильясов ике кызы белән җәйге ялга Төркиягә киткән. Бу юлны алар машинада кичәргә карар кылган. Сәяхәте, кызык мизгелләре белән Айрат Ильясов телеграм-каналында бүлешеп бара.

«Юлда барганда, көн саен видео төшерәчәкбез, бәяләр, кайда яшәдек, кайда ашадык — барысын да сөйләячәкмен», — дип язып куйган артист.

Каналда урнаштырылган соңгы видео буенча, әти кеше кызлары белән Сызраньгә кадәр барып җиткән инде.

Фото: соцсети