Ришат Фазлыйәхмәтов хатыны белән аерылышкан

Җырчы Ришат Фазлыйәхмәтов хатыны, концерт директоры Элмира белән аерылышкан. Соңгы арада алар янында төрле сүзләр чыккан иде, тамашачылар да аралар суынуны сизде. Ришат та, Элмира да бу хакта сөйли башлаганнар иде инде. Бүген социаль челтәрендә Ришат бу сүзләргә нокта куйды.

«Журналистлар да күп сорап тора, сез дә язасыз. Без аерылыштык. Дөреслекне без икәү генә беләбез, бу безнең шәхси эшебез. Халык алдында ачып саласыбыз килми. Ике олы кешенең уйлап эшләнгән гамәле бу.

Хәзер бу тема турында миңа сөйләү авыр бирелә, аңларсыз дип ышанам. Бәлки, барысын да вакыт узгач сөйләрбез», - дигән пост язган артист.

Исегезгә төшерәбез, Элмира да бу хәлләргә карата үз фикерен әйткән иде.

Фото: ТНВ