Руслан Кираметдинов очрашып йөргән хатын-кыз турында сораштырдык: "Гомердә болай кызарганым булмады"

ТНВ Татарча YouTube каналында «Ә син???» дип аталган яңа тапшыру дөнья күрде. Алып баручыбыз Әбри Хәбри кунагыбыз Руслан Кираметдиновка кызыклы, шул ук вакытта җавап табарга авыр булган сорауларны бирде.

Тапшыруда берничә тур булды. Соңгы турда җырчыга без әзерләгән «десерт"ны ашарга яки инде «Йөргән кызың бармы? «Күңел радиосы» алып баручысы (Лилия Гатина) белән күп фотолар кертәсең, сезне нәрсә бәйли?» дигән сорауга җавап бирергә тиеш иде. Руслан мөнәсәбәтләргә ачыклык кертте. Җырчы бу сорауҗавап биргәндә «гомеремдә моның кадәр кызарган булмады» дип җавап бирде.

«Йөргән кызым бар. Әйе, фотосурәтләр күренә. Алар белән халык та бик кызыксына. Безнең мөнәсәбәләрне дусларча дип әйтеп була. Эш буенча аралашабыз». — диде Руслан.

Тапшыруны тулысынча биредә карый аласыз. Нинди «десерт» булганын тапшыру ахырында карый аласыз.