Руслан Кираметдинов: "Бу тормышта минем терәк булырлык бер кешем дә булмады"

«Ә син???"нең ЯҢА чыгарылышы дөнья күрде. Руслан Кираметдинов балалары, Ильмира Нәгыймова белән аерылышуы, хәзерге вакытта очрашып йөргән хатын-кыз турында сөйләде.

Шоу барышында Әбри Хәбриев терәк булырлык кешеләр турында сорады. Руслан андый кешеләрне атамады.

«Минем тормышымда андый кешеләр булмады. Авыр чакта әти-әниләрем янәшәмдә иделәр, тормыш иткәндә андый кеше юк иде. Син булдырасың, син моны эшли аласың дип әйтеп торучы булмагач, иҗатны ташламакчы да идем», — дип сөйләде Руслан.