Гөлназ Сираева ЭКО ясату турында: "Тулы бәхетле буласы килә"

«Әй, язмыш, язмыш» тапшыруында кунакта популяр башкаручы Гөлназ Сираева үзенең бала алып кайту теләге булуы турында сөйләде. Хәзерге вакытта ул хастахәнә юлларын таптый.

«Хастаханә юлында йөрим. Әлегә барысы да җайлы гына барып чыга дип әйтә алмыйм. Болай мин үземне бәхетле дип саныйм. Аллага шөкер, эшләгән эшем ошый, яшәр урыным матур, мине яраткан тамашачым, яраткан кешем, исән-сау әтием бар, туганнарым бик күп. Әмма тулы бәхете дигән төшенчә бар. Эх, Ходай, могҗиза булып, анысы да тормышка ашса, миннән дә бәхетле кеше булмас иде дип уйлап куям», — дип сөйләде Гөлназ «Әй, язмыш, язмыш» тапшыруында.