Иртәгә Казанда "Болгар радиосы" Милли музыкаль премиясе тантанасы узачак

Елның иң көтелгән грандиоз концертына ике көн калды! 11 ел дәвамында “Болгар радиосы” һәр кышны тыңлаучыларын милли, зәвыклы, грандиоз тамаша белән сөендерә. Елдан-ел әлеге тантананың дәрҗәсе үсә бара. Быел да оештыручылар тамашачыларны искиткеч тамаша белән сөендерергә вәгъдә итә.

Быел “Болгар радиосы” XI Милли музыкаль премиясен тапшыру тантанасы 9 декабрь көнне 18.00 сәг. “Пирамида” концерт залында узачак.