Зөһрә Сәхәбиева - "Татар эстрадасы легендасы"!

Казанда «Болгар радиосы» ХI Милли музыкаль премиясен тапшыру тантанасы узды.

Ел саен премиядә «Татар эстрадасы легендасы» дигән номинация тапшырыла. Алдагы елларда әлеге номинациягә Миңгол Галиев, Хәмдүнә Тимергалиева, Флера Сөләйманова, Рафаэль Ильясов, Мәсгут Имашев, Эмиль Җәләлетдинов кебек олпат шәхесләребез лаек булган иде.

Быел әлеге исемгә күренекле татар җырчысы, мөгаллим, ТАССР халык артисты Зөһрә Сәхәбиева лаек булды!

Фото: Болгар радиосы