Казанда Татарстанның халык артисты Исламия Мәхмүтованы искә алдылар - видео

Арабызда булмаса да, уйнаган рольләре белән күңелләрдә яши ул. Башкалада халкыбызның яраткан, Россиянең атказанган, Татарстанның халык артисты Исламия Мәхмүтованы искә алдылар.

Быел ул 80 еллык юбилеен каршы алыр иде. Хәтер кичәсе Кәрим Тинчурин исемендәге театрда узды. Чарада Исламия Мәхмүтова белән бергә эшләгән артистлар катнашты. Театрның якты йолдызын искә алганда якыннары да хәтирәләре белән уртаклашты. Сәхнә осталары һәркемгә таныш рольләрне башкарды. Искә алу кичәсендә хәбәрчебез Лиана Бәхтиева да булды.