Марат Яруллинның кемгә тәкъдим ясаганы билгеле булды

Бу атнада интернет киңлекләрендә Марат Яруллин өйләнә дигән сүз таралды. Җырчы социаль челтәрләрендә йөзек кигән кыз белән фото урнаштырган иде. Әлеге сүзләргә Марат үзе генә түгел, ШАЯН ТВ каналында чыгучы "Килде-китте шоу" һәм аның алып баручысы Айгөл дә сәбәпче икән.

Маратка әлеге гамәлне Айгөл шоуда ясаган ялгышлыктан соң тәкъдим итә. "Син мине хәзер бигрәк уңайсыз хәлгә куясың. Минем "фанаткалар" хәзер акылдан яза бит инде", - дип сөйләде ул.

Марат "Теләсә нинди сорау бир, барысына да җавап бирә алам, әмма бу гамәлне үтәмим", - дип теманы үзгәртергә тырышса да, әмма барыбер биреште. Шулай итеп без йөзекне Айгөл бармагында булуын белдек. Тулы тапшыруны биредә карый аласыз.