Зинира Рамазанова: "Гастрольләр 15 көннән узса, балалар елап шалтырата"

Татар эстрадасында җырлы дуэт Зинира һәм Ризат Рамазановлар ТНВ телеканалында "Сөйләшергә вакыт" тапшыруында кунакта булды. Артист кеше гел юлда. Зинира гастрольләр вакытында балаларын сагынуы турында сөйләде.

«Балалар янында була алмыйбыз. Аларга иң кирәкле вакыттыр. Эшебез шул. Әле Рияз аңлап бетерми, Айгизә бик зур рәхмәт, ул безне аңлый. Матди якны да уйлыйсың, кимсенеп үсмиләр. Кызым иртән чәчен үреп озатуны телидер. Гастрольләр 15 көннән узса, Айгизә дә елап шалтырата. Аның үсмерлеккә күчеш чоры. Мин аның белән малайлар, тәртип турында сөйләшергә тиештер. Безне әниләр иртән чәчне сыйпап, иркәләп йокыдан уята иде, чәй ясап бирәләр иде. Безнең балаларга андый мөмкинлек юк", дип сөйләде Зинира.

Тулы чыгарылышны биредә карый аласыз.