Казанның өч районындагы йортларда су яшел төскә керергә мөмкин

Дүшәмбе, 12 февральдә, Казанның Вахитов, Идел буе һәм Совет районнарындагы кайбер йортларда су яшел төскә керергә мөмкин.

Бу «Уранин-А» буягычының Казан ТЭЦ-1 магистраль җылылык үткәргечләренең челтәр суына кертелүе белән бәйле. Мондый чара җылылык ташучының агып чыгу урыннарын билгеләргә мөмкинлек бирәчәк.

«Яшел су» күргән очракта, шәһәр халкына бу хакта диспетчерлык хезмәтенә +7(843)291-87-95 телефоны буенча хәбәр итәргә кирәк, дип яза Казан мэриясе матбугат хезмәте.

«Уранин-А» буягычы җылылык белән тәэмин итү системаларында кулланыла һәм Россия кулланучылар күзәтчелеге тарафыннан буяу индикаторы буларак рөхсәт ителә. Ул кешеләрнең сәламәтлеге һәм әйләнә-тирә мохит өчен куркынычсыз.

Фото: kzn.ru