Җырчы Рәфинә Ганиуллина иреннәрен кабарту турында: "Миңа ямьсез дип яза башладылар"

ТНВ Татарча YouTube каналында чыгучы "Ә син?" тапшыруында кунакта татар эстрадасы җырчысы Рәфинә Ганиуллина булды. Җырчы тамашачылары арасында ирен кабартуны аңлап бетермәүчеләр барлыгын әйтте.

"Күптән түгел генә иреннәремне кабарттым. Ул бер-ике ай гына шундый булачак, аннан рәтләнә. Мин моңы тыныч карыйм, әмма бик күпләр яза башладылар инде. Борчылмагыз, бераздан шиңә ул, дим. Тагын да матуррак булмасмы икән дип ясаткан идем, бик барып чыкмады әле. Моңа кадәр төрле витаминнар кадатканым булмады", - дип сөйләде җырчы.