Ильмира Нәгыймова элекке ире Руслан Кираметдинов турында: «Ул миңа язгалый»

Татар эстрадасының популяр артисты Ильмира Нәгыймова элеккеге ире Руслан Кираметдиновның аңа әле дә телефонга хатлар язуы турында сөйләде, дип хәбәр итә "Шәһри Чаллы" газетасы. Ильмира социаль челтәрләрдә туры эфир вакытында язылучыларының сорауларыңа җавап биргән.

- Сез элеккеге ирегез белән аралашасызмы? Нинди мөнәсәбәттә сез? - дигәннәр Илмира Нәгыймовага.

- Ул миңа язгалый. Бер тапкырда 70шәр хат яза хәтта! Мин җавап бирмим. Иртән уянып китеп, телефонга күз салсам, 80шәр хат та булгалый! Яртысын бетереп тә куя шунда. Нәрсә язганын әйтеп тормыйм инде, - дип сөйләгән җырчы.

Фото: t.me/ilmiranagimovaa