Казанда эстрада җырчысы Вилдамир Баһау белән хушлаштылар

Бүген Казанның 7 шәһәр хастаханәсендә җырчы, концертлар оештыручы, мәҗлесләр алып баручы Вилдамир Баһауны соңгы юлга озату мәрасиме булган. Бу хакта «Татар-информ» хәбәрчесе хәбәр итә.

Җырчы кичә йөрәк авыруыннан реанимациядә вафат булган. Ул бик күп татар җырчылары һәм театр әһелләре белән бергә эшләү белән билгеле.

Мәрхүмне Башкортстанның Краснокама районы Артаул авылы зиратына, әти-әнисе янына җирләячәкләр.

Фото: артистның Вконтакте битеннән алынды