Әбри Хәбриев: "Гаиләдә мин күпкә кырысрак"

"ШАЯН ТВ" каналында чыгучы "Ок, Алия" тапшыруның беренче кунаклары - Әбри Хәбриев һәм Айваз Садыров шәп кенә күңел ачып, үзе турында үзләр белмәгән мәгълүмат туплап кайтып киттеләр.

Тапшыру барышында шоумен һәм ТНВ YouTube каналында чыгучы "Ә Син?" тапшыруы алып баручысы Әбри Хәбриев "Гаиләдә дә шундый ук, оста теллеме син?" дигән сорауга җавап бирде.

"Юк! Гаиләдә мин күпкә кырысрак, ләкин шуклыкны да югалтмыйм. Әгәр дә балалар мәктәптә, дуслары белән аралашканда әти-әнисе турында уңай фикер җиткерүен телисең икән, син өйдә тормыш иптәшең белән шаярырга тиеш", - диде артист.