Ильмира Нәгыймованың сеңлесе йөрәгенә операция ясаячаклар

Татар эстрадасының популяр җырчысы Ильмира Нәгыймова сеңлесе йөрәгенә уздырылачак операция алдыннан видео яздырды.

"Дуслар, мин сеңлемне Казанга операциягә алып килдем. Иртәгә алтынчы тапкыр йөрәгенә операция ясыйлар. Кардиостимулятор алыштырабыз", - дип сөйләде Ильмира Нәгыймова.

Җырчы кызы Ясминәнең дә апасы өчен бик борчылганын әйтә. "Ул аларга икенче әни кебек", - ди Ильмира.