Элвин Грей "Җиңү армиясенә кушыл!" телемарафонында катнашты

Татарстанның атказанган, Башкортстанның халык артисты Элвин Грей (Радик Юльякшин) "ТНВ-Татарстан" һәм "ТНВ-Планета" телеканалларында бара торган "Җиңү армиясенә кушыл!" телемарафонында СВО зонасына барып кайтуы турында сөйләде.

"Минем гуманитар миссия иде, без егетләребезгә ярдәм итәргә, аларга рух күтәрергә бардык. Хастаханәдә концерт бирдек. Егетләр уңай һәм бары тик җиңү ягына гына карыйлар. Аларның күзләре янып тора. Концертка бик уңай карадылар, биеделәр", - дип уртаклашты җырчы һәм СВО зонасында җирле балалар мәктәбенә баруы турында сөйләде. Анда балалар татарча да, башкортча да җырларны беләләр икән.

Исегезгә төшерәбез, бүген “ТНВ-Татарстан” һәм “ТНВ-Планета” телеканалларында 12 сәгатьлек “Җиңү армиясенә кушыл!” телемарафоны бара. Туры эфир 08:00 сәгатьтә башланачак һәм 20:00 сәгатькә кадәр дәвам итәчәк. Эфир дәвамында дистәләгән кунак контракт хезмәтенең өстенлекләре турында сөйләячәк.

2024 елның 31 июленә кадәр Татарстанда Россия Оборона министрлыгы белән хәрби хезмәткә контракт төзегән һәркем берьюлы миллион ярым сумга кадәр алачак. Тулырак мәгълүмат өчен телефон: 8 (800) 222-59-00 һәм heroes-tatarstan.ru сайтында.