Руслан Кираметдинов яшәргә өйрәтүчеләр турында: “Мин кеше сүзенә карыйм, үземнекен эшлим"

Тәнкыйть - артист кеше тормышының аерылгысыз бер өлеше. Эстрадабызның популяр җырчысы Руслан Кираметдинов кеше сүзенә, яхшы-яманына да игътибар итмәскә һәм үз юлы белән барырга тырыша.

“Мин кеше сүзенә карыйм, үземнекен эшлим. Кеше гел ике яклы – кемдер тәнкыйтләп, кемдер яратып карый. Мин андый әйбергә игътибар итмим. Булганына шөкер итәм, булмаганына өмет итәм”, - диде Руслан ШАЯН ТВ каналында чыгучы "Килде-китте шоу"да.

Руслан соңгы ярты елда стилен үзгәртте – сакал белән йөри. Кайбер тамашачылар моңа сәер карый. Җырчы сүзләренә караганда, кешенең фикере Русланны фотодан карап түгел, ә тормышта очраткач үзгәрә.