Татарстанның атказанган җырчысы, татар моңын дөнья дәрәҗәсендә таныткан шәхес - Зөлфия Камаловага багышлап

Австралиядән кайгылы хәбәр килеп иреште. Татарстанның атказанган җырчысы, татар моңын дөнья дәрәҗәсендә таныткан шәхес - Зөлфия Камалова вафат. Аңа 55 яшь иде.

Август аенда ул тамашачысына яман шеш белән авыруын хәбәр итте. Зөлфия Камалова - татар җырын беренчеләрдән булып альтернатив форматта яңгыраткан, моңыбызны чит илдәге милләттәшләребезгә ишеттергән, туган телне таныткан кеше. Казандагы соңгы зур концертын ул 5 ел элек Камал театры сәхнәсендә куйды. Истәлекләрне Инзилә Хөсәенова барлый.