Гөлназ Сафарова: "Артистларның балалары бер грамм да татарча белми"

ТНВ каналында иртән чыгучы "Манзара" тапшыруында кунакта популяр алып баручы Гөлназ Сәфарова һәм улы Айдан булдылар. Алар ШАЯН ТВ каналында бергәләп "Парта" тапшыруын алып бара. Әлеге тапшыруда артист һәм аның баласы сынаша. Гөлназ "Парта"га барлык артистларны да чакырып булмау сәбәбен атады. 

"Кызганыч, күп артистларның балалары бер грамм да татарча белмиләр. Әти-әниләренә "папа" һәм "мама" дип эндәшәләр. Үскәч балалары җырларын аңлый алмый дигән сүз бит. Бу трагедияне тамашачыларга да әйтәсем килде", - дип сөйләде алып баручы "Манзара" эфирында. 

Бүген "Парта" тапшыруының яңа чыгарылышы дөнья күрде.