Татарстанның халык артистын мошенниклар алдаган

Татарстанның халык артисты Алсу Әбелханова мошенниклар корбаны булган. Алар явыз ният белән җырчының телеграмдагы аккаунтын ватканнар һәм контактларыннан бурычка акча сорый башлаганнар. 

Акчаны чыннан да җырчы сорый икәненә инандыру өчен, мошенниклар җырчының нейрочелтәрләр аша ясалган тавышын да файдаланганнар. 

"Дуслар, мине "взломали". Беркемгә дә берни дә күчермәгез, зинһар. Мин нәрсә эшләргә дә белмим. Мин телеграмга керә алмыйм" , -дип язган Алсу. 

Фото: freepik.com