Рөстәм Нәбиев ТНВдагы «Музыкаль Сабантуй» проектында татарча җыр башкарды

Омскида казарма җимерелгәндә исән калган, әмма аякларын югалткан Башкортстан блогеры Рөстәм Нәбиев ТНВ каналындагы «Музыкаль Сабантуй» проектының өченче сезонын төшерүдә катнашты.

Ул Татарстанның халык артисты Зифа Нагаева белән бергә җыр башкарды. Җыр Нәбиев өчен махсус язылган һәм блогерның катлаулы язмышына багышланган. Рөстәм өчен бу татар телендәге җыр белән сәхнәдә чыгыш ясауның беренче тәҗрибәсе булды.

Искәртик, проект Татарстан Рәисе каршындагы Татарстанда яшәүче халыкларның татар телен һәм туган телләрен саклау, үстерү мәсьәләләре комиссиясе ярдәме белән, Марат Әхмәтов җитәкчелегендә гамәлгә ашырыла.