Куанычлы хәбәр: Камилә Вәлиева Олимпиадада кабат чыгыш ясаячак

Камилә Вәлиева буенча уңай хәбәрләр бар. Халыкара Олимпия комитеты Россия спортчысына иртәгә кыска программада көч сынашырга рөхсәт бирде.

15 яшьлек Россия фигуралы шуу остасы допинг-пробада триметазидинга уңай нәтиҗә алса да, рөхсәт бирелде.

Бу барлык проблемалар артта кала дигән сүз түгел, барысы да алда әле. Олимпиададан соң ук Вәлиева командасына медальләрне саклау һәм гаепсезлеген дәлилләү буенча судларда йөрисе булачак.

фото: Reuters