"Ак Барс" сериянең бишенче матчында "Авангард"ны кабул итәчәк

Бүген Казанда "Ак Барс" һәм "Авангард" командалары плей-офф кысаларында 5 нче матчта көч сынашачак.

Барслар өч матч рәттән җиңелгәннән соң, җиңүгә ирешә алдылар. Уенга кайтырга овертаймда Кагарлицский керткән алка булышты. Бүген Казанда җүңү кулдан ычкынса, Гагарин Кубогы турындагы уйларны киләсе елга кадәр калдырып торырга кирәк булачак.

Матч 19:30 сәгатьтә "Татнефть Арена"да узачак. Туры трансляцияне "ТНВ-Татарстан" һәм "ТНВ-Планета" каналларында карый аласыз. Исегезгә төшерәбез, "ТНВ-Планета" телеканалында шәрехләү татар телендә алып барыла.

фото: Ак Барс