"Безнең малайлар": "Рубин" "Уфа"га каршы матч алдыннан татар футболистлары белән афиша чыгарды

1 август Казанда чираттагы татар-башкорт дербие узачак. "Рубин" һәм "Уфа" Мелбет беренче лигасының 3 туры кысаларында көч сынашачак.

Казанлылар кызыклы гына афиша чыгардылар. Анда татар егетләре Камил Муллин һәм Ленар Фәттахов матчка килергә өнди. Афишада "Безнең малайлар", дип язылган.

Шунысын да билгеләп үтәргә кирәк, "Уфа" клубы составында башкорт милләтенең бер генә уенчысы да юк, казанлылар тарафыннан моңа басым ясалды.

Матч 1 август 20:00 сәгатьтә "Ак Барс Арена"да узачак.