Рөстәм Миңнеханов "Ак Барс" коллективы белән очрашты

Бүген Татарстан Республикасы Президенты Рөстәм Миңнеханов яңа сезон алдыннан традицион рәвештә "Ак Барс" коллективы белән очрашты.

"Иң мөһиме – югары рух, кәеф булу! Бар да уңсын! Яраларсыз уйнагыз! Алга, егетләр!", - дип яза Рөстәм Миңнеханов үзенең телеграм каналында.

Алда "Ак Барс"ны "Танеко Кубогы" сезон алды турниры көтә. Матчлар "Татнефть-Арена"да 26-29 август көннәрендә узачак. Анда "Ак Барс" (Казан), "Салават Юлаев" (Уфа), "Локомотив" (Ярославль) һәм "Нефтехимик" (Түбән Кама) катнашачак. Исегезгә төшерәбез, матчларны «ТНВ-Татарстан» һәм «ТНВ-Планета» каналларында, шулай ук безнең сайтта карап булачак.