ТНВ каналы "яшел дерби"ны туры трансляциядә күрсәтә

Бүген 19:00 сәгатьтә ТНВ каналы чираттагы "яшел дерби"ны күрсәтә. "Ак Барс" һәм "Салават Юллаев" сезонда дүртенче тапкыр очрашачаклар.

Беренче уенны казанлылар җиңү белән башласа да, калган икесе Башкортстаннан килгән дусларыбыз файдасына булды.

Бу уенга "Салават Юллаев" Фонбет КХЛның Көнчыгыш конференциясендә икенче урында килә (34 очко). "Ак Барс" 9нчы урында һәм, әлегә, плей-офф зонасыннан читтә.

Фото: "Ак Барс"