Слуцкийсыз беренче уен һәм беренче җиңү

Бүген Казанның "Рубин" клубы үзенең баш тренеры Леонид Слуцкийсыз беренче матчын уздырды. Исегезгә төшерегез, узган турыдан соң, тренер үз теләге белән вазыйфасыннан киткән иде.

Уенчыларны матчта баш тренер вазыйфасын вакытлыча башкаручы Юрий Уткульбаев җитәкләде. "Уфа" казанлылар өчен Беренче дигада гына түгел, ә Премьер лигада да авыр көндәш иде. Матчта булган моментлар буенча Башкортстан командасы кыюрак күренсә дә, Виталий Лисаковичның ике тубы "Рубин"га җиңү китерде.

Хәзерге вакытта 19 матч артта калды. "Рубин" 34 очко туплап, 3 урында бара.

Фото: "Рубин"