ТНВ каналы "Сибирь" - "Ак Барс" матчын туры эфирда күрсәтә

Бүген Казанның "Ак Барс" хоккей клубы "Сибирь"га каршы уйнаячак. Новосибирскида уен 15:30 сәгатьтә башлана. ТНВ телеканалы традицион рәвештә КХЛ матчын туры эфирда күрсәтәчәк.

Исегезгә төшерәбез, даими чемпионатның соңгы матчында «Сибирь» «Салават Юлаев»ны җиңүгә иреште (2:1), ә «Ак Барс» овертаймда «Авангард»ка 1:2 исәбе белән оттырды.

"Ак Барс" матчка Динар Хафизуллин һәм Никита Евсеевтан башка әзерләнә. Алар икесе дә җәрәхәтлән иде.

Фото: ak-bars.ru