ТНВ редакциясенә спорт белән шөгыльләнергә урыны булмаган егетләр мөрәҗәгать итте - видео

"Спорт белән шөгыльләнү мөмкинлегеннән мәхрүм калдык". Казанда яшәүче студент егетләр безнең редакциягә шулай дип мөрәҗәгать итте.

Алар буш вакытларында футбол һәм хоккей белән мавыга. Моңарчы башкаланың 114нче мәктәбендәге спорт мәйданчыгында шөгыльләнгәннәр. Төрле турнирларда катнашканнар. Тик быелның июленнән аларны уку йорты территориясенә кертми башлыйлар. Мәктәпләрдә иминлек чаралары көчәйтелә, алар биек койма белән әйләндереп алына. Егетләр - урамда кала.

Спорт яраткан студент яшьләргә шөгыльләнү өчен башка урын бармы? Ни өчен Универсиада мирасы саналган спорт сарайларына кереп булмый? Бу мәсьәләгә Рүзәл Шәрипов ачыклык кертергә тырышты.