Зарипов үзе килеп котлаган 103 яшьлек әби Хәдичә Шәйдуллина: "Бер уенны да калдырмый идек"

103 яшендә булса да, "Ак барс" командасының бер генә уенын да калдырмаска тырыша. Казаннан Хәдичә Шәйдуллина туган көнен дә яраткан спортчысы белән билгеләп үтте.

Тугры җанатарын котларга дип, танылган хоккейчы Данис Зарипов килә. Ул Хәдичә әбигә команда вәкилләренең теләкләрен җиткереп, истәлекле бүләкләр тапшыра. Йөзьяшәр исә аларга бу сезонда чемпион булуларын теләде. Хоккейга гашыйк җанатар белән Рүзәл Шәрипов та аралашып кайтты.