ТНВ "Ак Барс" - "Барыс" матчын туры трансляциядә күрсәтәчәк

Бүген Казанның "Ак Барс" командасы "Татнефть Арена" бозында Казахстан кунаклары "Барыс"ны кабул итә. Фонбет КХЛ матчын ТНВ туры трансляциядә күрсәтәчәк. Уен 19:00 сәгатьтә башлана.

Соңгы матчта "Ак барс" Чиләбенең "Тракторын" 6:0 тар-мар итте, ә "Барыс" 1:2 овертаймда Мәскәүнең "Динамо"сына җиңелде.

Командалар сезон барышында өч тапкыр очрашты. Икесендә Астана командасы җиңде(3:2, 3:2Б), берсендә Татарстан командасы (2:1).

Фото: "Ак Барс"