Казанның «Зенит» волейбол командасы - Россия чемпионы!

Казанның «Зенит» волейбол командасы 11 нче тапкыр Россия чемпионатында җиңү яулады. Егетләр соңгы тапкыр 1 нче урынны биш ел элек яулаган иде. Казан спортчыларын үзенең телеграм-каналында Татарстан Рәисе Рөстәм Миңнеханов та тәбрикләде.

«Без сезнең җиңүдә шикләнмәдек тә!», - дип язып куйган Рәис. Һәм фото да теркәгән: анда «Зенит»ның уенчылары зур хәрефләр белән «Чемпионнар» язуы фонында сурәтләнгән.