Рөстәм Миңнеханов һәм Алинә Заһитова Татарстанда фигуралы шуу мәктәбен ачу проекты турында фикер алыштылар

Бүген Татарстан Республикасы Рәисе Рөстәм Миңнеханов Россия фигуралы шуу остасы, Олимпия чемпионы Алинә Заһитова белән Петербург халыкара икътисадый форумы кысаларында очрашкан. Бу хакта Рәис матбугат хезмәте хәбәр итә.

Очрашуда Татарстанда Алинә Заһитованың фигуралы шуу мәктәбен ачу проекты турында фикер алыштылар. Спортчы талантлы балаларны фигуралы шууга өйрәтүне күздә тоткан проект турында сөйләгән.

"Сез - безнең яшьләр өчен яхшы үрнәк, - дигән Рөстәм Миңнеханов, Алинә Заһитовага мөрәҗәгать итеп. -

Республикада төрле юнәлешләр буенча спорт мәктәпләре булдыру тәҗрибәсе зур.

Очрашу барышында Алинә Заһитованың якын арада Казанга спорт мәктәбе төзү проектын җентекләбрәк тәкъдим итү һәм фикер алышу өчен киләчәге турында килешү төзелде. Рөстәм Миңнеханов шулай ук фигуралы шуу һәм гомумән яшьләр арасында спортны популярлаштыру өчен Алинәнең спорт күнекмәләрен куллануның мөһимлеген билгеләп үткән.

Фото: rais.tatarstan.ru