"Ак Барс" капитаны Александр Радулов өченче тапкыр әти булды

Казанның «Ак Барс» хоккей командасы капитаны Александр Радулов өченче тапкыр әти булды. Бу хакта хоккей клубы матбугат хезмәте үзенең социаль челтәрләрендә хәбәр итте.

"Александр Радуловны һәм аның хатыны Аннаны улы тууы белән котлыйбыз", - диелә хәбәрдә.

Искәртеп узабыз, Александр Радулов һәм аның хатыны Анна Бокийның Мирон исемле улы бар. Шулай ук хоккейчының гимнаст Дарья Дмитриева белән беренче никахыннан Макар исемле улы үсә.

Фото: ak-bars.ru