Татарстанның Ел спортчысын игълан иттеләр

Казанның Идел буе спорт һәм туризм университетында 2023 елга нәтиҗә ясалды. Бу чара узган елларга караганда колачлырак итеп оештырылган. Быел республикада спорт һәм физик тәрбия идарәсе барлыкка килгәнгә 100 ел.

Тантаналы чарада Рөстәм Миңнеханов та катнашты. Татарстан Рәисе республикада спорт үсешенә зур игътибар бирелүен, яуланган җиңүләрнең бик мөһим булуын билгеләп үтте.