"Ак Барс" капкачысы Тимур Биләлов гаиләсендә шатлыклы вакыйга

"Ак Барс" капкачысы Тимур Биләлов һәм аның хатыны Натальяның уллары Данэль туган. Бу хакта клуб матбугат хезмәте хәбәр итә.

"Наталья һәм Тимурны уллары туу белән котлыйбыз", - диелә хәбәрдә.

Исегезгә төшерәбез, быел "Ак Барс" капкачы белән контрактны озайткан. Яңа килешү 2025/26 сезоны тәмамланганчы гамәлдә булачак.

Фото: ak-bars.ru