Татарстанга БРИКС илләре уеннары катнашучылары килә башлады

Татарстан БРИКС илләре уеннары шаукымында яши башлый. Әлеге ярышлар октябрьдә үтәчәк саммит кысаларында уза.

Спортчылар 27 спорт төре буенча көч сынашачак. Бу Париждагы Олимпия уеннары программасыннан 2гә генә ким. Башкалада 17 спорт объекты әзерләнгән. Киләсе 3 көндә Казанга 97 дәүләт делегациясе килүен көтәләр.

Казан аэропортына, беренчеләрдән булып, Венесуэла җыелма командасы килеп төште. 50 кешедән торган команда - иң зурларының берсе. Фәйрүзә Мәҗитова репортажы.