"Ак Барс"та яңа уенчы: НХЛдан күчкән Александр Барабанов

Александр Барабанов «Ак Барс» белән 25 елның 30 маена кадәр килешү төзегән. Бу хакта клуб матбугат хезмәте хәбәр итә.

"Ак Барс" генераль менеджеры Марат Вәлиуллин:
– Александр КХЛда да, НХЛда да, Россия җыелмасында да зур тәҗрибәле уенчы. Бу үз буынының төп талантларының берсе, хоккейчы өчен яхшы яшьтә һәм амбицияләр белән. Әнвәр Гатиятулинга уртак эш буенча яхшы таныш.

Һөҗүмче Александр Барабанов:
– «Ак Барс» белән кубокны җиңәсем килә, безнең командага бу максатка килергә ярдәм итәргә тырышачакмын. Үземне бик яхшы хис итәм. Хоккейны сагындым, җиңәсем килә.

Узган сезонда Барабанов НХЛда «Сан-Хосе Шаркс» составында чыгыш ясады. Һөҗүмче 46 очрашуда катнашты һәм 13 (4+9) очко җыйды. Ул НХЛда 206 матч үткәрде, аларда 107 (32+75) очко җыйды.

КХЛда уенчы исәбендә 330 уен һәм «+86» файдалылык күрсәткече белән 160 (73+87) җыелган очко.

Фото: ak-bars.ru